ការនេសាទខុសច្បាប់កំពុងបំផ្លាញបរិស្ថានសមុទ្ររបស់ខេត្តកែប
ផែកោះទន្សាយ,ខេត្តកែប-ទូកប្រើម៉ាស៊ូតរាប់សិបគ្រឿងបើកកាត់ឈូងសមុទ្រកែបដោយឮសូរលាន់សន្ធឹករហូតដល់វាធ្វើឲ្យកក្រើកផែ។ ទូកទាំងនោះអូសអួនបំពាក់អគ្គិសនីសណ្តូនចុះទៅក្រោមនៅពាសពេញតំបន់ទឹករាក់ក្បែរឆ្នេរសមុទ្រ ដោយប្រមូលយកជីវិតសត្វសមុទ្រមិនថាតូចមិនថាធំ ដោយបំផ្លិចបំផ្លាញកន្លែងបង្កាត់ពូជដ៏សំខាន់។ ហើយទូកទាំងនោះអូសគូយ៉ាងកៀកនឹងឆ្នេររហូតដល់អ្នកអាចស្តាប់ឮការនិយាយឆ្លើយឆ្លងវិទ្យុទាក់ទងរបស់ពួកគេទៀតផង។ …
តាមមាត្រា៤៩នៃច្បាប់ជលផល ការអូសអួននៅតំបន់ក្បែរឆ្នេរ (ដែលមានជម្រៅមិនដល់២០ម៉ែត្រ) ត្រូវហាមឃាត់។ ក្នុងមាត្រា២០ ការប្រើឧបករណ៍នេសាទអគ្គិសនីគឺហាមប្រាមជាដាច់ខាតនៅគ្រប់តំបន់់ទាំងអស់។ បទល្មើសទាំងពីរនេះអាចមានទោសជាប់ពន្ធនាគារ ហើយអាជ្ញាធរដែលរួមគំនិត ឬធ្វើមិនដឹងមិនឮដោយចេតនា ក៏ប្រឈមនឹងការជាប់ពន្ធនាគារ និងការផាកពិន័យដែរ។
ប៉ុន្តែ បើទោះជាមានច្បាប់ក្តី ទូកនេសាទនៅតាមបណ្តោយតំបន់ឆ្នេរកែបបន្តអូសអួនក្នុងសមុទ្រ ដោយគ្មានឧបសគ្គ ដោយទូកនេសាទជាច្រើនប្រើអួនឆក់។ …
នគរបាលសមុទ្របានបដិសេធជារហូតមកថា គ្មានទូកបរទេសនេសាទក្នុងដែនទឹកកម្ពុជាទេ ថែមទាំងចង់បដិសេធការស្លាប់ពលរដ្ឋខ្មែរម្នាក់នៅសមុទ្រដែរ បន្ទាប់ពីមានការប៉ះទង្គិចគ្នាជាមួយអ្នកនេសាទវៀតណាមកាលពីខែកក្កដានោះ។ អ្នកនេសាទទាំងកម្ពុជា ទាំងវៀតណាម បានអះអាងដូចគ្នាថា នគរបាលទទួលសំណូក។ …
ម៉ាតត៍ ប្លូមប៊ឺហ្គ និង សេក ឧត្តម
http://www.cambodiadailykhmer.com/news/28310/
